Sa tinguha nga mamahimong sentro sa produksyon sa kamoteng-kahoy ang probinsya sa Zamboanga del Norte diin usa sa mga adbokasiya ni Gov. Rolando Yebes, misumite na ug proposal ang kagamhanang probinsyal pinaagi sa alyansang Dipolog, Dapitan, Polanco, Katipunan, Roxas ug Manukan (DDPKaRoMa) ngadto sa Food & Nutrition Research Institute (FNRI) ug Department of Science & Technology (DOST).
Sa nasayran gikan kang Mr. Arnold “Ching” Porlas, Technical Staff sa DDPKaRoMa, gituki kini atul sa gipahigayong forum sa Farmers Information Technology & Services (FITS) Center sa lungsod sa Roxas kaniadtong Hulyo 25 ning kasamtangang tuig nga gisalmotan sa mga kawani sa FNRI sa pagpangulo ni Chief Science Specialist Dr. Zenaida Narciso, DOST, Brgy. Officials, kagamhanang lokal sa Roxas ug Women Organization.
Dugang pa niya nga gidasonan na sa FNRI ang paggahin ug pondo sa kahugpungan sa mga kababayen-an alang sa ilang proyekto diha sa paghimo ug squash noodles gawas sa mga produktong hinimo gikan sa salag-on nga kamoteng-kahoy sama sa cassava chips, cassava roll ug uban pa diin gibansay mismo sa DDPKaRoMa nga gipangulohan ni Ms. Tess de Jesus.
Angayang masayran nga aduna na’y makina ang naabot nga nahimutang sa Brgy. Miatan, Katipunan alang sa paghimo ug cassava flour kon harina nga hinimo sa salag-on nga kamoteng-kahoy diin gidonar sa Local Government Support- Local Economic Development (LGSP-LED).
Ingon man, ang mga gihimo nga harina gikan sa kamoteng-kahoy ang posible nang mabaligya sa sulod ug gawas sa lalawigan diin dili lamang naghatag ug dugang kapanginabuhian sa mga katawhan kundili makatabang usab kini sa pagpataas sa ekonomiya sa probinsya sa Zamboanga del Norte kinsa maila na usab nga nagbaton ug produksyon sa kamoteng-kahoy…
MARDY D. LIBRES
Sa nasayran gikan kang Mr. Arnold “Ching” Porlas, Technical Staff sa DDPKaRoMa, gituki kini atul sa gipahigayong forum sa Farmers Information Technology & Services (FITS) Center sa lungsod sa Roxas kaniadtong Hulyo 25 ning kasamtangang tuig nga gisalmotan sa mga kawani sa FNRI sa pagpangulo ni Chief Science Specialist Dr. Zenaida Narciso, DOST, Brgy. Officials, kagamhanang lokal sa Roxas ug Women Organization.
Dugang pa niya nga gidasonan na sa FNRI ang paggahin ug pondo sa kahugpungan sa mga kababayen-an alang sa ilang proyekto diha sa paghimo ug squash noodles gawas sa mga produktong hinimo gikan sa salag-on nga kamoteng-kahoy sama sa cassava chips, cassava roll ug uban pa diin gibansay mismo sa DDPKaRoMa nga gipangulohan ni Ms. Tess de Jesus.
Angayang masayran nga aduna na’y makina ang naabot nga nahimutang sa Brgy. Miatan, Katipunan alang sa paghimo ug cassava flour kon harina nga hinimo sa salag-on nga kamoteng-kahoy diin gidonar sa Local Government Support- Local Economic Development (LGSP-LED).
Ingon man, ang mga gihimo nga harina gikan sa kamoteng-kahoy ang posible nang mabaligya sa sulod ug gawas sa lalawigan diin dili lamang naghatag ug dugang kapanginabuhian sa mga katawhan kundili makatabang usab kini sa pagpataas sa ekonomiya sa probinsya sa Zamboanga del Norte kinsa maila na usab nga nagbaton ug produksyon sa kamoteng-kahoy…
MARDY D. LIBRES