Sa ikaduhang higayon, dakong garbo na usab ang naangkon sa kagamhanang probinsyal ilawum sa kasamtangang administrasyon ni Governor Rolando Yebes human na-deklarar isip Regional winner, Provincial Category sa 2012 Gawad Pamana ng Lahi Award sa Department of Interior and Local Government (DILG).

Sa sulat ni Paisal D. Abutazil, DILG Regional Director sa rehiyon 9 ngadto ni Governor Yebes pinaagi ni Arnel F. Gudio, DILG OIC-Provincial Director kini ang mipadangat sa iyang pahalipay ug mipahibalo sa gobernador gumikan sa maong pasidungog.

Dugang sa sulat ni Regional Director Abutazil nga ang Gawad Pamana ng Lahi usa ka pasidungog alang na sa exemplary performance sa administrative, social, economic ug environmental governance.

Gipasabot ni Regional Director Abutazil nga ang impormasyon sa modelong kahimuan ang gikuha gikan sa database sa on-line Local Governance Performance Management System, Seal of Good Housekeeping, International Organization o ang mga pasidungog nga naangkon gikan sa ahensiya sa nasudnong pangagamhanan ug ang pag-ila sa mga kabag-uhan sa usa ka local government unit.

Ang kagamhanang probinsyal makadawat usab kini ug P3M cash prize isip insentibo alang na sa maong pasidungog.
Si  Regional Director Abutazil ang mipahibalo usab nga ang  Zamboanga del Norte ang atomatik kining nominado sa pinaka-una nga  National Gawad Pamana ng Lahi, diin dako kining garbo sa probinsya.

Nasayran nga lakip sa gibasehan sa maong pasidungog mao ang ZaNorte Medical Center sa descriptive rating niini nga Excellent sa  ”Anti-Red Tape Act of 2007“ o ang  “An Act to Improve Efficiency in the Delivery of Government Service to the Public by Reducing Bureaucratic Red Tape, Preventing Graft and Corruption, and Providing Penalties Therefor“

Ingon man, sa miaging bulan giadawat ni Governor Yebes ang pasidungog nga 2011  Seal of Good Housekeeping gikan sa DILG.

MARDY D. LIBRES

KBP Zamboanga del Norte, andam na sa himoong tree planting activity.
Andam na ang Kapisanan ng mga Brodkaster ng Pilipinas-(KBP )Zamboanga del Norte Chapter sa himoong tree-planting activity ilawom sa KBP Oplan Broadcastreeing Project 2012 nga gipasiugdahan sa KBP national Office.

Ang maong kalihukan, nakatakdang himoon karong adlawng Sabado Oktubre 27 sa may alas 8:30 ang takna sa buntag hangtud sa alas 11 sa udto.

Matud pa ni Mr. Jett Opilac, Chairman KBP Zamboanga del Norte chapter, ang regional DENR u gang local CEnro ang mi-designar sa JRMSU Campus sa Brgy. Sanao lungsod sa Katipunan ning lalawigan isip planting site sa mokabat 500 ka mga indigenous tree seedlings.

Gawas sa mga moapil ng mga KBP stations sa Dipolog, mo-apil sad ang Zamboanga del Norte Press Club, Inc., mga estudyante ug mga volunteers gikan sa public ug private sectors.

MARDY D. LIBRES


Sangguniang Panlungsod sa Dipolog, nominado isip outstanding sanggunian in component cities.

Nominado karon sa Chairman sa Provincial Award Committee nga si Department of Interior and Local Government (DILG) Provincial Director Arnel Gudio, ang Sangguniang Panlungsod sa Dipolog isip Outstanding Sanggunian in component cities.

Sa gihimong sesyon sa Sangguniang Panlungsod karong bag-o, pormal nga gipahibalo ni City DILG Officer Mrs. Lerman Campaner ang maong balita ngadto sa mga sakop sa konseho ning syudad.

Niini, gikalipay usab sa mga sakop sa Sangguniang Panlungsod nga nominado kini alang sa maong pasidungog.

Gawas sangguniang panlungsod sa Dipolog, nominado usab isip outstanding sanggunian in 1st-3rd class municipalities ang munisipalidad sa Liloy ug nominado usab isip outstanding Sanggunian in 4th-6th class municipalities ang munisipalidad sa Pinan.

MARDY D. LIBRES

Malampuson usab nga na-aprobahan sa konseho sa dakbayan sa Dipolog ang paghimo ug Miputak National High School sulod sa Miputak East Central School campus diin ipahimutang kini sa mabakante unyang 6 classrooms 2-storey Dipolog City Division Office.

Kini gumikan kay matud pa ni City Schools Superintendent Dr. Victorina Perez nga adunay pagatukuron nga bag-ong Division Office sa bakanteng yutang gidonar sa barangay council sa Barangay Olingan, ning siyudad.

Dugang usab nga gi-aprobahan sa konseho ang pagbutang ug usa ka “Science High School” sa dakbayan isip dugang tabang sa mga magtutudlo ug estudyante sa mga public high schools dinhi nga nagabaton ug kapin sa 35 ka mga estudyanteng kasamtangang gitudluan matag section o klase.

Kini ang matud pa tungod kay nakita ni Dr. Perez nga gamay lamang ang makat-onan sa mga estudyanteng nag-huot sa classroom.

Matud pa ni Dr. Perez, mas mahatagan ug taas nga kalidad sa edukasyon ang mga high school students kung kini sila nagtungha sa usa ka “science high school” gumikan kay limitado lamang ngadto sa 35 ka mga magtutungha ang pagadawaton sa maong tulunghaan ug kadto lamang “academic achievers” ang pwedeng pagadawaton unya tungod kay ibasi man sa DepEd ang sistema sa edukasyon niini sa programa nga kasamtangang gi-implementar karon sa “Philippine Science High School” sa kauluhang Manila.

MARDY D. LIBRES

Malampusong napasar sa Sangguniang Panlungsod sa Dipolog ang resolusyon nga gipangamahanan ni Konsehal Dante Bagarinao diin naga-usa pagbalik sa Miputak East Central School ug Miputak West Elementary School isip usa lamang ka tulunghaan.
Mao kini ang nasayran sa Buhatan sa Impormasyon atol sa gipahigayong regular session kaniadtong Oktobre 16, sulod sa SP Session Hall, ning dakbayan.

Matud pa ni Konsehal Bagarinao nga mas makaayo kung usahon pagbalik ang maong mga tulunghaan gumikan kay daghanang benepisyo ang madawat sa mga magtutungha kung usahon kini pagbalik sama sa orihinal nga pagtukod niini tungod kay mas dali makadawat sa mga “enhancement programs” ug “projects sa DepEd” ang usa ka “central school” kaysa sa ordinaryong elementary school lamang.

Dugang usab nga pahayag ni Dr. Victorina Perez, ang City Schools Division Superintendent atol sa gipahigayong committee hearing  bag-ohay pa lamang, nga buot niining magbutang ug Miputak National High School sa kasamtangan karong gi-okupar nga 6 classrooms 2-storey Dipolog City Division Office aron mapagaan ang nagpunsisok nga mga magtutungha sa mga tulunghaang sekondarya dinhi sulod sa city proper.

Kini gumikan kay giawhag ni Dr. Perez ang mga kabataang mo-gradwar sa elementarya nga nanimuyo sa mga kasilinganang barangay sa Barangay Miputak nga ipa-enrol ang ilang mga anak sa bag-o na unyang pagatukuron nga Miputak National High School isip puli sa Miputak East Central School.

Kahinumduman nga tumong niining maong laraw nga mapangandaman ang bag-ohay pa lamang nga gi-implementar nga programa sa DepEd, ang “K2-12 System of Education”.
Gumikan niini, nasabutan sa tanang miyembro sa konseho nga aprobahan ang maong resolusyon aron ma-implementar gilayon ang mga bag-ong proyekto ug programa nga gi-proponer ni Dr. Perez alang sa kaayuhan sa kinabag-ang kabataang magtutungha dinhi sa dakbayan sa Dipolog.

MARDY D. LIBRES

Gihangyo karon ang Dipolog City Disaster Risk Reduction and Management Council (DCDRRM) sa pagbutang ug "early warning ug alarm system device" dinhi sa dakbayan aron masayran sa mga mangingisda ingon man sa mga mangaliguay kung kanus-a kini dili pwede maligo o mulawod para mangisda tungod kay adunay dautang tiyempo nga umaabot ug dagkong balod sa kadagatan.

Mao kini ang unod sa resolusyon nga gipangamahan ni Konsehal James Verduguez atol sa gipahigayong regular sesyon karong bag-o, sulod sa SP Session Hall, ning dakbayan.
Matud pa ni Konsehal Verduguez nga angayan gayud nga huna-hunaon ang kaluwasan sa mga “rescuers”, sama usab sa kamahinungdanon sa pagsagop sa mga nangalumos, gumikan kay matag rescue niini sa mga nangalunod, kinabuhi usab nila ang nakataya.

Dugang pa nga gumikan sa bagyo o tropical depression, daghanan na sa mga mangaliguaGumikan niini, nakita ni Konsehal Verduguez ang kamahinungdanon sa pag-instalar sa “early warning ug alarm system device” aron malikayan ang unsa mang panghitabo.

MARDY D. LIBRES

Abli karon ang National Food Authority (NFA) Zamboanga del Norte ngadto sa mga mag-uuma nga mobaligya sa ilang abot nga humay.

Kini ang gipahibalo ni Mrs. Marilou Sybico, Operations Officer sa buhatan sa NFA sa interview sa rmn-dipolog, diin karong panahona mao na ang harvest season.

Matud pa sa opisyal sa NFA, wala kaayo’y mga mag-uuma dinhi nga mohandos sa ilang abot nga humay nganha sa ilang buhatan gawas lamang sa Siocon area nga maoy largest producing area sa Zamboanga del Norte diin didto sila makapalit ug mokabat sa 200-500 ka sako sa humay matag tuig.

Sa samang bahin, gipasabot ni Sybico, bisan panahon sa ting-ani wala magpasabot nga mo-us us usab ang presyo sa NFA rice kon dili stable lang gihapon tungod usab sa kamahal sa mga tambal ug abono nga gigamit sa mga mag-uuma.

Una ng gipahayag sa maong opisyal sa NFA, nga adunay igong suplay sa bugas ang ilang buhatan alang sa mga katawhan ning lalawigan.

MARDY D. LIBRES

Aprobado na sa 3rd and final reading sa Sannguniang Panlungsod sa Dipolog ang gipadas-og nga ordinansa diin naga-require sa mga establismento sa patigayon, institusyong pag-edukasyon ug mga residential subdivisions dinhi sulod sa dakbayan sa pag-instalar ug "Closed Circuit TV Cameras (CCTV), nga nagdala usab ug mga silot alang sa paglapas niini.

 Ang maong ordinansa ang matud pa maoy usa ka pinalapdang bersiyon sa nahaunang balaodnon nga napanday sa Sangguniang Panlungsod ning dakbayan kalabot ning maong ponto, diin unang gi-require alang sa pag-instalar ug CCTV cameras mao lamang ang mga bangko, alang sa rasong pang-seguridad, diin kini ang mainiton usab nga gisanong sa maong mga institusyon.

Apan ning kasamtangan, gumikan sa pagsulbong sa nagkalain-laing krimen lakip na ang tulis ug kawat, diin ang mga CCTV cameras ang nakatabang sa pag-resolbar sa kaso pinaagi sa footage nga marehistro niini, nakita sa Sangguniang Panlungsod nga ang paggamit sa CCTV cameras ang angayan gayud nga i-instalar dili lamang dinha sa mga bangko, kon dili lakip na dinha sa mga establismento sa patigayon, mga tulunghaan ug uban pang mga dapit diin adunay presensiya sa mga daghanang tawo, aron sa pag-monitor sa posible unyang mga krimen nga mahimo dinha sa mga nahisgotang dapit.

Tumong usab niini nga matabangan ang kapolisan sa pag-ila ug pagsikop sa mga suspetsado sa bisan unsang krimen nga mahitabo dinhi sa dakbayan.

MARDY D. LIBRES

Subli karong gituki sa hawanan sa sangguniang panlungsod sa Dipolog ang isyu mahitungod sa demolition permit nga gipangayo sa kapitolyo probinsyal sa Zamboanga del norte ngadto sa buhatan sa office of the building official o OBO ning syudad.

Sa giluwatang speech ni konsehal james Cyril ruiz sa gihimong sesyon sa sangguniang panlungsod niadtong martes, usa sa mga ponto niini mao ang pagpasar ug resolusyon pagkansela sa na-isyung permit ngadto sa probinsya tungod sa daghanang mga rason ug  pagpadala ug kopya sa resolution ngadto sa buhatan ni dpwh sec. Rogelio singson, Emmanuel contapay, acting exec. Dir. NBCDO sa dpwh alang sa impormasyon ug appropriate action, ug sa buhatan sa pangulo sa nasud,obo dipolog ug sa regional dir sa dpwh.

Kahinumduman, niadtong oktubre 8 nadawat sa buhatan sa obo ang kopya sa memorandum order gikan ni dpwh sec. Rogelio singson nga nagmando kang engr. Gaudencio bagulboc sa dinaliang pag-release sa demolition permit sa probinsya.

Ug sa oktubre 9 martes, hingpit nga nahatag sa obo ang maong permit alang sa pagpadayon sa konstruksyon sa capitol ug legislative building sa probinsya.

MARDY D. LIBRES

Sa pinakaunang higayon, napili isip venue sa ika-13 nga National Convention sa Association of Tourism Officers of the Philippines (ATOP) ang probinsya sa Zamboanga del Norte nga gibuksan kaniadtong adlaw’ng Martes sulod sa bag-ong Convention & Sports Complex.
                Ang maong kalihokan gisalmotan sa liboan ka mga delegado nga naglangkob sa mga tourism officers, city ug municipal officials kinsa nagrepresentar sa nagkadaiyang syudad, lungsod ug rehiyon sa tibuok nasud sa Pilipinas.
                Angayang masayran nga ang ATOP maoy opisyal nga kahugpungan sa mga tourism officers sa nasud sa Pilipinas nga gidasonan sa Department of Tourism diin si Provincial Tourism Officer Atty. Ivan Patrick Ang maoy National Executive Vice-President niini.
                Sa pagbukas sa 13th National Convention, ang mga partisipante nagsuot sa mga nagkalain-laing traditional ug regional attire nga naghulagway sa mga nagkadaiyang kultura sa ilang matag syudad ug lungsod.
                Sa iyang mensahe, si Gov. Rolando Yebes kinsa nagsuot ug Subanen Attire ang naghulagway sa ZaNorte isip usa ka paraiso diin kini malinawon ug gipreserbar usab ang mga kultura sa lumad nga Subanen.
                Matud pa niya nga ang turismo maoy usa sa mga instrumento aron makab-ot ang kalamboan sa nasud diin ang ZaNorte nagbaton sa mga tourism assets sama sa fine beaches, agri-industrial sites, Subanen tribal communities, waterfalls, historic Dapitan City diin gipuy-an sa nasudnong bayani  nga si Dr. Jose Rizal.
                Masigarbuhon usab nga gipadayag sa gobernador nga ang ZaNorte resipiente sa upat ka mga prestihiyosong pasidungog ilawom sa iyang pagdumala sa probinsya sama sa Lingkod Bayan Award gumikan sa pagpangampanya batok kapobrehon, Gawad Galing Pook- Hi-Green Program nga nakasentro sa agrikultura, Gawad Galing Pook- Subanen Empowerment u gang Gawad Pamana ng Lahi gumikan sa maayong pang-gobyerno.
                Mapasalamaton usab si Gov. Yebes sa ATOP ug sa Department of Tourism human nahimong 2nd runner-up sa Best Festival Event- Provincial Category ang naila na nga Hudyaka ZaNorte Festival sa probinsya.
                Si JRMSU Pres. Dr. Edgar Balbuena kinsa mirepresentar ni Sen. Edgardo Angara, ang naghulagway usab sa ZaNorte isip usa sa nanguna nga nagbaton sa ecological spots, cultural sites, nga padayong gipalambo sa probinsya ug gihandom usab ang pagka-historical sa dakbayan sa Dapitan diin naila isip Shrine City of the Philippines human mipuyo dinhi si Dr. Jose Rizal kinsa nagbilin sa iyang mga binuhat.
                Si ATOP Pres. Miguel Sison kinsa opisyal nga mideklara sa pagbukas sa ika-13 nga National Convention sa ATOP, ang mipadayag nga ang Mindanao dili angay kahadlokan kundili angay  nga ipromoter gumikan sa mga nagkadaiyang tourist destination nga anaa niini.
                Dugang pa niya nga ang turismo maoy behikulo sa kalinaw ug gihagit niya ang mga tourism officers ug uban pang opisyales nga maghimo ug kausaban sa komunidad aron mabatonan ang maayong imahe nga magdala sa kalamboan sa matag syudad, lungsod ug probinsya.

MARDY D. LIBRES
                

Ang negatibong impresyon sa rehiyon sa Mindanao anaa nakabutang sa mga katawhan.

Kini ang gihatagan ug gibug-aton sa Department of Tourism (DOT) Undersec. Atty. Ana Victoria Jasmin atol sa iyang pagbisita dinhi sa probinsya.

matud pa ni Jasmin, sa bag-o karong plano sa ilang ahensya nga cluster development madala na sa promosyon ang ubang mga probinsya o lungsod.

Pinaagi niini niya pa, kauban ang kooperasyon sa tanan ang negatibong impresyon sa usa ka lugar mawala.

Pinaagi sa clustering madala sa usa ang laing weak nga probinsya.

Una ng gihatagan ug gibug-aton sa opisyal nga pipila ka mga factor nga makapalambo sa natad sa torismo mao ang ka- safety ug kalimpyo sa palibot, accessibility ug uban pa.   

Pasangil nga usa ka private army ang scaa ug team david, way kamatuoran.

Walay kamatuoran ang pasangil nga usa ka private army ang scaa ug team david sa syudad sa dipolog.

Kini ang gihatagan ug gibug-aton ni dipolog city councilor atty. James Cyril ruiz sa interview sa rmn-dipolog kagahapon.

Niya pa, dugay na ang maong isyu ug gani anaa nay gi-file nga kaso sa korte mahitungod sa maong isyu.

Gipahayag ni konsehal ruiz, kung unsa man ang ilang mga pasangil hulaton nalang kon unsa ang mamahimong desisyon sa korte.

Matuda pa ni ruiz, legal ang operasyon sa team david tungod kay kini namugna pinaagi sa gipasar nga ordinansa ug ang scaa namugna pinasubay usab sa balaod.

Gidugang pa ni ruiz, ang team david nagsilbing augmentation force sa dipolog pnp  u gang scaa maoy mo-assist sa military mahitungod sa counter terrorism operations.

Una ng gipahayag sa mga opisyal sa probinsya nga gigamit sa mayor sa dipolog isip mga private armies ang scaa ug team david.

MARDY D. LIBRES