Isip pagpangandam sa umaabot nga 24th Mindanao Business Conference (MinBizCon) dinhi sa Dipolog karong bulan sa Setyembre , usa ka Mindanao Policy Consultation sa mga magpapatigayon ug ubang mga stakeholders sa Mindanao ang gipahigayon didto sa Dipolog Commercial Building sa miaging semana.
Tumong sa Minbizcon Roadshow nga magkatagbo ug magbinayluay ug mga huna-huna ang mga negosyante sa Mindanao nga sakop sa mga lokal nga Chamber of Commerce and Industry , mga opisyales sa Philippine Chamber of Commerce and Industry (PCCI), Department of Trade and Industry (DTI), ug ubang ahensya sa kagamhanan nga nalambigit sa kalihokan sama sa sektor sa pangisda, agrikultura, edukasyon, teknolohiya ug uban pa. Si Dipolog City Mayor Evelyn Uy nga girepresentahan ni Ernie Rojo sa buhatan sa Local Economic Investment and Promotions Center ang mipadangat sa iyang maiinitong pagdawat sa mga bisita ug partisipantes sa roadshow. Si Uy, sumala pa sa iyang mensahe ang mipasalig nga ang dakbayan sa Dipolog andam na alang sa ika 24 ka tuig nga MinBizCon karong Setyembre 2-4, 2015. Si Dipolog Chamber of Commerce and Industry President Atty. Paul Gudmalin nagkanayon nga ang tema sa umaabot nga MinBizCon mao ang “Winning the ASEAN, Gaining the Global Market”. Siya midugang nga karong tuiga magsugod na ang ASEAN economic integration. Ang Mindanao maoy usa ka maayong lugar alang sa negosyo tungod sa daghan ug abunda nga mga rekursos . Mardy D. Libres Mi-apela ug nangayo karon ug tabang sa mga katawhan ang pamilya ug igsoon ni seaman 1st class Rod Allen Pagaling nga taga-Cagayan de Oro City nga kung aduna silay nahibaw-an nga impormasyon kalabot sa sitwasyon ug nahimutangan sa ilang igsoon kinsa apil sa gidala sa nahitabong pagpangdagit niadtong lunes sa kadlawon sa isla sa aliguay nga i-report gilayon kini sa mga otoridad aron mahimoan ug aksyon.
Kini ang hangyo sa igsoon ni Pagaling nga si Mam Joy Pagaling sa eksklusibong interview sa Rmn-dipolog. Gawas niini aduna usay hangyo ang pamilya sa biktima ngadto kang Mayor Cecilia Jalosjos sa Dapitan nga unta mahatagan usab sila ug impormasyon kalabot sa mga development sa maong kaso aron usb dili sila mabalaka. Katapusang naka-istorya ni Mam Joy ang iyang igsoon niadtong Domingo sa hapon diin pagkakadlawon nahitabo ang insidente. Giangkon sa igsoon sa biktima nga nabalaka na sila kaayo kung unsa na ang kahimtang sa iyang igson ug wala pa silay nadawat nga impormasyon gikan sa mga hingtungdang otoridad kung unsa na ang development sa kaso maong midangop na sila sa media ilabina sa rmn nga mihatag ug pagtagad kanila. Nasayran, nga ang biktimang si Seaman 1st class Rod Allen Pagaling kaslonon karong tuiga, ug human mahibaw-i sa iyang pangasaw-unon nga gidagit ang biktima, nakuha ang gisabak niini nga pila ka bulan pa lamang, ug anaa kini karon sa usa mga hospital sa ilang lugar. Mardy D. Libres Gikumpirma sa Police Regional Office 9 nga sa wala pa nahitabo ang insedente sa pagpangdagit sa Dakbayan sa Dapitan Partikyular sa Aliguay Island, duna nay nadawat nga Intellegence Report ang Otoridad rasun nga ila dayung gipakatap ang maong impormasyun sa Lower Unit.
Atul sa Interview sa RMN DXDR Dipolog Kang PInsp. Dahlan Sammudin Spokesperson sa Police Regional Office 9, Base sa report target sa mga suspek ang Dabayan sa Dipolog Ug Dapitan, tungod niini gipamangnuan dayun nila ang tanang Police Station. Gidugang usab ni Sammudin nga target matud pa sa mga suspek ang mga Businessman ug Foreigner , Samtang Gipailalom pa usab sa Makuting Imbestigasyun kun unsa nga Grupo ang Responsible, sa Pagkutlo ning balita Blangko pa gihapon ang Otoridad hain gidala ang 3 ka Biktima. Kenneth Bustamante Nidangup sa RMN DXDR Dipolog arun personal nga muapila ug tabang sa katawhan ug sa kapulisan ang pamilya ni Seaman 1st Class Gringgo Villaruz diin apil sa Tulo ka biktima nga gidagit ning bag-ong palang diha Aliguay Island sakop sa Syudad sa Dapitan.
Alas 7:13 sa Buntag kagahapon, nidangat sa stasyun ang asawa sa biktima nga giilang si Irish Villaruz taga Banbanan , Lungsod sa Tampilisan ning lalawigan. Na-aghat si Irish sa pagpatabang human nakabati sa Interview sa pamilya sa laing myembro sa Coastguard nga apil usab nga gidala sa mga suspek. Nagtulo ang luha ni Irish dihang nipabati sa iyang panawagan. Gidugang pa niya nga nakurat na lamang siya dihang nakadawat ug tawag ug nagpahibalo sa gidangtan sa iyang bana. Nasayran nga duna silay usa ka anak nga karun nagpanidarun pa lang ug Unom ka Bulan, ug petsa 11 karung hunyo magsau-log sila sa unang Wedding Anniversary. Kenneth Bustamante Hangtud karon wala pay mi-attempt ug contact sa mga otoridad sa dakbayan sa Dapitan ug sa lalawigan mahitungod sa sitwasyon ug nahimutangan sa tulo ka bihag nga gidagit sa isla sa Aliguay niadtong kadlawon sa Lunes.
Kini ang gipahayag ni P/Supt. Divin Ceriales sa follow-up interview sa rmn-dipolog. Matud pa sa hepe sa Dapitan PNP, kanunay ang gihimong meeting sa Crisis Management Council sa Dapitan kalabot sa maong kaso sa kidnapping. Matud pa ni Ceriales, ang nahitabong kaso sa kidnapping sa Dapitan makonsidera nga isolated o talagsaon nga kaso ug hangtud karon wala sila mahibalo ug unsay motibo niini ug kung unsang grupo ang anaa sa likod niini tungod kay hangtud karon wala pa silay nadawat nga tawag gikan sa mikuha sa mga biktima. Gi-angkon usab sa hepe nga nakadawat na sila ug impormasyon sa wala pa ang insidente nga plano sa Abu Sayyaf Group Sulu based ang pagpangdagit ug mga foreign national sa dakbayan sa Dipolog ug mga silingang lugar sa Zamboanga del Norte. Sa karon mihimo na ug lakang ang Dapitan city govt ug nagbutang usab ug mga miembro sa Pnp sa isla sa Aliguay aron malikayan nga masubli pa ang maong panghitabo. Mardy D. Libres Usa sa mga gituki ni Mindanao Development Authority o Minda Secretary Luwalhati Antonino sa gihimong executive forum on Mindanao 2020 Peace and Development Framework Plan karong bag-o ang kabahin sa mga palisiya nga makahatag ug kalamboan sa Mindanao ug usab ang kabahin sa investment opportunities mahitungod sa renewable energy, eco-tourism ug agro-forestry sama sa cacao ug kape.
Sa maong panagtigum, gi-awhag ni Antonino ang mga nanambong sa pagpananum ug cacao tungod sa taas niini nga demand dinhi ug sa gawas sa nasud. Sa maong higayon gipasabot sa opisyal nga ang Minda usa ka planning agency sama sa NEDA apan kini makatabang pagpangita ug pondo alang sa usa ka proyekto sa usa ka lugar. Gituki usab sa maong forum ang Mindanao-wide security coordination initiative. Mitambong sa maong panagtagbo ang mga opisyal sa lalawigan ug syudad sa Dipolog, mga hepe sa nagkalain-laing buhatan ug mga opisyal usab sa mga kalungsuran. Mardy D. Libres Dako ang epekto nganha sa mga negosyante ang nasinating power curtailment karon dinhi sa lalawigan sa Zamboanga del Norte ilabina dinhi sa dakbayan sa Dipolog.
Kini ang pahayag ni Mr. Michael Malacca kanhi presidente sa Dipolog Chamber of Commerce and Industry (DCCI) ug kasamtangang presidente sa Dipolog Consumer Watch Group. Alang kaniya ang adlaw-adlaw nga pagkapalong sa suplay sa kuryente maghatag ug additional cost o dugang galastuhan sa mga negosyante tungod sa pagpalit ug krudo nga gamiton sa generator set ug ang uban mo mubo ang ilang operasyon. Matud pa ni Malacca, ang nasinating Mindanaowide load curtailment nagkinahanglan na ug national govt intervention aron ma-solusyunan ang maong problema. Nanghinaot si Malacca nga dili na madugangan pa ang 2 ka oras nga palong sa suplay sa kuryente dinhi sa Dipolog, susama sa ubang mga syudad ug probinsya diin sila nakasinati ug halos 7 ngadto sa 8 ka oras nga palong sa kuryente. Mardy D. Libres Dili motoo karon ang grupong Bangsamoro Islamic Freedom Movement kon BIFM sa gihingusgan karon sa pangulo sa nasud nga mao ang Bangsamoro Basic Law kon BBL nga maoy soulusyon matud pa sa dugay na nga gipangandoy nga kalinaw sa Mindanao.
Sa eksklusibong interview sa Rmn-Dipolog kang BIFM spokesman Abu Misry Mama, gipahayag niini nga ang BBL kutob lamang sa istorya ug dili kini maka-resolbar sa kagubot sa Mindanao. Alang kang Mama nga sila sa ilang grupo, kung makab-ot nila ang Islamic State Independence, wala nay problema. Samtang sa pikas bahin, gipanghimakak usab ni Mama ang mipagawas nga report nga ang ilang grupo ang responsible sa pagdagit sa upat ka mga contractor didto sa Maguindanao. Mardy D. Libres Pwede ug dapat nga tawgon nga massacre maski sakop sa police o sundalo ang gipatay o namatay labina nga base sa ebedensya nahutdan na ug bala ang SAF ug mi-surrender na, apan gi-finishing ug gipusil pa gihapon sa mga kontra.
Kini ang reaksyon ni Senator Chiz Escudero kabahin usab sa gipagawas nga pahayag ni Commission on Human Rights chairperson Loreta Ann Rosales karong bag-o nga ang Mamasapano incident dili usa ka massacre. Ang migawas nga video niya pa, maoy magpamatuod sa gihimo ug nahitabo sa ubang SAF members nga gipatay samtang naghegda nga samdan. Gawas pa niini, 34 sa 44 ka mga SAF members naigo sa ulo close range nga gipusil nga halos dili na maila. Ang reaksyon ni Escudero nagsumikad usab sa gibuhi-ang pahayag ni Rosales sa CHR nga sobra ra ang konklusyon ni Senator Grace Poe karong bag-o nga massacre ug dili misencounter ang nahitabo sa Mamasano nga gikamatay sa 44 ka mga SAF troopers niadtong Enero 25, 2015. Mardy D. Libres |
NEWS - Balita
Mga Balita, para sa kasayoran sa tanan. Archives
February 2016
Categories |