Sa impormasyon gikan ni Engr. Marcial Dahunan, Zamboanga del Norte DOST Provincial Director, ang maong junk shop gipanag-iyahan sa magti-ayong danilo josol ug mrs. Grace josol parehong mga public school teachers.
Ug para mapalambo pa ang ilang negosyo, na-desisyunan sa magtiayon nga modangop sa DOST alang sa financial assistance.
Subay niini, ang DOST-PSTC mihimo ug technology needs assessment ug niini nakita nga ang maong firm nagkinahanglan ug technology interventions aron pagtubag sa dakong market gap.
Ang DOST-9 innovation system support sa kantidad nga 1 million pesos nakapahimo sa maong firm pagpalit ug usa ka unit sa crusher with screw conveyor, 4 ka induction motors ug washtub, ug 3 ka unit sa screw conveyor.
Gawas niini ang DOST mipahigayon usab ug 5S training alang sa mga worker aron pag-develop sa ilang kapabilidad ug usab pagpalambo sa ilang produksyon.
Matud pa ni Engr. Dahunan, ang maong financial assistance subay gihapon sa programa sa ilang buhatan nga gitawag ug Small EnterpriseTechnology Upgrading Program (SETUP).
Mardy D. Libres