Kini ang maisugung pamayahag ni Atty. Aminola Abaton, ang Regional Director sa LTO rehiyon 9, sa gipahigayung turn over sa bag-ong molingkod nga hepe sa LTO sa Dipolog nga si Mr. Mohamad Yusuph Lamping, hulip ni Mr. Yusuph Ysmael nga na-relieve sa pwesto human ang pagkasikop sa mga elemento sa LTO tungod sa pagpangutong. Niya pa nga sulod sa usa ka semana nga pagdumala unya ni Mr. Lamping, sutaon niini ang mga programa nga gipatuman dinhi sa Dipolog, lantawun usab ang mga functions nga kinahanglan pang ipadayun samtang tul-iron usab ang mga personahe diha sulod sa buhatan
Nakasentro ang tanan sumala pa diha sa pagbag-o sa imahe sa Land Transportation Office tungod kay aminado si Atty. Abaton nga maot karon ang dungug sa ilang buhatan, aron nga mabalik ang pagsalig sa publiko ngadto sa ilang buhatan, isip kini man ang nag-unang tumong karon sa rehiyonal nilang buhatan.
ARCHER M. CAPADESO