Ang city ordinance number 117 napasar niadto pang tuig 1997, nga nagbutyag nga kinahanglan butangan ug mga numero ang mga panimalay ug mga edipisyo ning syudad.
Sa privilege speech ni konsehal Ruiz, gibatikus niini ang duha ka mga buhatan sa City Hall, tungod kay daw gibaliwala lamang niini ang maong ordinansa, bisan sa pagpasar usab ug resolusyon pagpahinumdum sa naasyong mga buhatan nga ipatuman ang ordinansang house numbering.
Matud pa ni konsehal Ruiz nga kinahanglan nang ipatuman ang maong ordinasa subay sa plano sa syudad nga mahimung super city sa umaabot 30 ka tuig. Niya pa nga bisan gani sa mga dagkung syudad sa Europe, makita naman ang mga numero sa mga panimalay.
Walay nakita ang maong konsehal nga insaktong rason nganong dili mapatuman sa Office of the Building Officials ug City Treasurers’ Office ang simpleng balaod sa Dipolog; hinungdan nga sa ikadauha ka higayun, gipasar ni konsehal Ruiz ang resolusyon nga nagpahinumdum pagbalik sa maong mga buhatan ang pagpatuman sa ordinance 117.
ARCHER M. CAPADESO