Isip katumanan sa mandatory representation sa mga Subanen diha sa mga local policy making body, subay sa R.A 8371 kon Indigenous Peoples Right Act of 1997 (IPRA) mapasigarbuhong mitahu ang National Commission on Indigenous People (NCIP) sa Zamboanga del Norte nga aduna nay pipila ka mga lungsod karon nga aduna nay representasyon ang lumad nga subanen diha sa sesyun sa Sangguniang Bayan.
Sa eklusibong interbyu sa RMN DXDR kang Mr. Edgar Gumanas, Administrative Officer IV sa NCIP ning lalawigan, malipayung silang nagpasalamat sa mga lungsod sa Siayan ug Liloy nga nisanung sa ilang paningkamot nga mandatory representation. Sila Timuay Johnny Anugon ang representanti sa lungsod sa Siayan ug si Timuay Hipolito Utong sa lungsod sa Liloy, diin ang duha pulos na nahatagan ug Certificate of Affirmation (COA) gikan ni NCIP Regional Director Salong Sunggod. Ning kasamtangan aduna pay ubang lungsod nga nagpadayun ang gihimung proseso sa maong buhatan, sama sa lungsod sa Katipunan diin matud pa humana nagpili ang mga tribu sa ilang lider ug nagpaabot na lamang pod sa Certificate gikan sa rehiyonal nga buhatan, ang lungsod sa Gutalac, Sindangan ug Sibuco.
Gipasabot ni Mr. Gumanas nga mismo lang ang mga tribu sa usa ka lungsod ang magpili kinsa ang mo-representar kanila sa Sangguniang Bayan, uban ang pagmonitor sa NCIP, ug dili na kini ipaagi pa sa eleksyon sama sa pagpili sa regular nga opisyal sa goberno.
Kini maong kalamboan maoy usa sa daghan nang kalampusan nga nahimu sa NCIP-Zamboanga del Norte diha sa paningkamot nga matagaan ug kagahum ang mga lumad nga Subanen pinasikad sa Indigenous Peoples Right Act (IPRA).
Samtang lauman nga ang representati sa mga lumad, maoy magdala sa tingug niini sa hawanan sa mga sangguniang bayan sa mag lungsod aron matagaan sila ug atensyon sa kagamhanan pinaagi sa mga proyekto ug progarama nga ipahat ngadto kanila.
ARCHER M. CAPADESO
Sa eklusibong interbyu sa RMN DXDR kang Mr. Edgar Gumanas, Administrative Officer IV sa NCIP ning lalawigan, malipayung silang nagpasalamat sa mga lungsod sa Siayan ug Liloy nga nisanung sa ilang paningkamot nga mandatory representation. Sila Timuay Johnny Anugon ang representanti sa lungsod sa Siayan ug si Timuay Hipolito Utong sa lungsod sa Liloy, diin ang duha pulos na nahatagan ug Certificate of Affirmation (COA) gikan ni NCIP Regional Director Salong Sunggod. Ning kasamtangan aduna pay ubang lungsod nga nagpadayun ang gihimung proseso sa maong buhatan, sama sa lungsod sa Katipunan diin matud pa humana nagpili ang mga tribu sa ilang lider ug nagpaabot na lamang pod sa Certificate gikan sa rehiyonal nga buhatan, ang lungsod sa Gutalac, Sindangan ug Sibuco.
Gipasabot ni Mr. Gumanas nga mismo lang ang mga tribu sa usa ka lungsod ang magpili kinsa ang mo-representar kanila sa Sangguniang Bayan, uban ang pagmonitor sa NCIP, ug dili na kini ipaagi pa sa eleksyon sama sa pagpili sa regular nga opisyal sa goberno.
Kini maong kalamboan maoy usa sa daghan nang kalampusan nga nahimu sa NCIP-Zamboanga del Norte diha sa paningkamot nga matagaan ug kagahum ang mga lumad nga Subanen pinasikad sa Indigenous Peoples Right Act (IPRA).
Samtang lauman nga ang representati sa mga lumad, maoy magdala sa tingug niini sa hawanan sa mga sangguniang bayan sa mag lungsod aron matagaan sila ug atensyon sa kagamhanan pinaagi sa mga proyekto ug progarama nga ipahat ngadto kanila.
ARCHER M. CAPADESO