Padayong karon sa ilang hugot nga kampanya batok sa carnap nga mga sakyanan ang Highway Patrol Group ning lalawigan sa Zamboanga del Norte.
Matud pa ni Police Supt. Leopoldo Macalindol ang hepe sa maong buhatan, gikan lamang niadtong bulan sa Enero ning kasamtangang tuig hangtud sa bulan sa Hulyo adunay kinatibuk-ang napulo ka mga mahalong sakyanan ang ilang nasakote sa gipahigayong regular nga checkpoint.
Base sa listahan sa HPG niadtong Enero 23 ning kasamtangang tuig ilang na-recover ang usa ka Suzuki APV Van, usa ka Nissan Urvan niadtong Marso 5, Mitsubishi Estrada niadtong Abril 17, laing Mitsubishi Estrada niadtong Abril 18, Nissan Sentra niadtong Mayo 7, Toyota Fortuner niadtong Hunyo 3, Nissan Urvan niadtong Hunyo 23, Mitsubishi Estrada niadtong Hulyo 1, Toyota Prado niadtong Hulyo 24 ug Isuzu D’max niadtong Hulyo 27.
Gipahayag ni Macalindol nga ang maong mga sakyanan pulos mga kinarnap nga gikan sa kaulohan ug gibaligya dinhi sa Mindanao.
Nasayran, nga ang ubang naghupot sa maong mga sakyanan mga iladong personalidad ug uban niini mga politiko.
Tukmang kaso ang atubangon sa mga naghupot sa maong mga sakyanan diin napasang-at na kini ngadto sa korte.
Dili palang dugay, gidayeg ni DILG Secretary Jesse Robredo ang Highway Patrol ning lalawigan tungod sa hugot nga kampanya niini batok sa carnap nga mga sakyanan.
MARDY D. LIBRES
Matud pa ni Police Supt. Leopoldo Macalindol ang hepe sa maong buhatan, gikan lamang niadtong bulan sa Enero ning kasamtangang tuig hangtud sa bulan sa Hulyo adunay kinatibuk-ang napulo ka mga mahalong sakyanan ang ilang nasakote sa gipahigayong regular nga checkpoint.
Base sa listahan sa HPG niadtong Enero 23 ning kasamtangang tuig ilang na-recover ang usa ka Suzuki APV Van, usa ka Nissan Urvan niadtong Marso 5, Mitsubishi Estrada niadtong Abril 17, laing Mitsubishi Estrada niadtong Abril 18, Nissan Sentra niadtong Mayo 7, Toyota Fortuner niadtong Hunyo 3, Nissan Urvan niadtong Hunyo 23, Mitsubishi Estrada niadtong Hulyo 1, Toyota Prado niadtong Hulyo 24 ug Isuzu D’max niadtong Hulyo 27.
Gipahayag ni Macalindol nga ang maong mga sakyanan pulos mga kinarnap nga gikan sa kaulohan ug gibaligya dinhi sa Mindanao.
Nasayran, nga ang ubang naghupot sa maong mga sakyanan mga iladong personalidad ug uban niini mga politiko.
Tukmang kaso ang atubangon sa mga naghupot sa maong mga sakyanan diin napasang-at na kini ngadto sa korte.
Dili palang dugay, gidayeg ni DILG Secretary Jesse Robredo ang Highway Patrol ning lalawigan tungod sa hugot nga kampanya niini batok sa carnap nga mga sakyanan.
MARDY D. LIBRES