Gihagit ni 2nd district Board Member Atty. Uldarcico Mejorada ang Department of Social Welfare and Development (DSWD) nga ipakita nila ang gibasihang criteria diha sa pagdeterminar ug usa ka pobring lalawigan sa nasud.
Kini subay sa nigawas nga bag-ong report gikan sa DSWD nga nibalik sa pinakapobring probinsya ang Zamboanga del Norte.
Sa privilege speech ni Board Member Mejorada sa sesyun regular sa Sangguniang Panlalawigan gikasigmuyu niini ang bag-ong nadawat nga report tungod kay matud pa daghan mang gipangdapat nga mga proyekto ug programa ang kagamhanang probinsyal ngadto sa mga katawhan sa lalawigan tumong ang pagtabang nga mahaw-as kini sa kalisud. Niya pa nga tungod sa maong mga proyekto ug programa sa Gobernador, nakadawat kini ug award gikan sa nasudnong kagamhanan nga gitunol mismo nila ni Presidenti Benigno Aquino, III ug DILG Secretary Jessie Robredo.
Dili usab kombinsido ang maong Bokal sa resulta sa survey sa DSWD, tungod kay sa taud-taud nang panahon nga kini aktibo diha sa pangagamhanan, diin adunay mga panahon nga makalibot kini sa ubang mga probinsya ug dakbayan, klarung mas lisud pa tan-awun ang mga katawhan sa ubang mga probinsya komparar dinhi sa Zamboanga del Norte.
Lakip usab sa gibatikus ni Board Member Mejorada ang nasudnong programa nga Pantawid Pamilyang Pilipino Program (4ps) nga iya sa DSWD tungod kay wala diay kini nakatabang sa mga pobring katawhan sa lalawigan kung basihan ang gipagawas nga survey sa maong departamento.
Lauman nga karong sunod sesyun sa Sangguniang Panlalawigan, motambung ang Regional Director sa DSWD aron ipasabot atubangan sa mga magbabalaod ning lalawigan ang proseso sa ilang pagsurvey human naaprobahan sa mga Board Members nga magpahigayun sila ug executive session aron matuki ang maong seryosong problema.
ARCHER M. CAPADESO
Kini subay sa nigawas nga bag-ong report gikan sa DSWD nga nibalik sa pinakapobring probinsya ang Zamboanga del Norte.
Sa privilege speech ni Board Member Mejorada sa sesyun regular sa Sangguniang Panlalawigan gikasigmuyu niini ang bag-ong nadawat nga report tungod kay matud pa daghan mang gipangdapat nga mga proyekto ug programa ang kagamhanang probinsyal ngadto sa mga katawhan sa lalawigan tumong ang pagtabang nga mahaw-as kini sa kalisud. Niya pa nga tungod sa maong mga proyekto ug programa sa Gobernador, nakadawat kini ug award gikan sa nasudnong kagamhanan nga gitunol mismo nila ni Presidenti Benigno Aquino, III ug DILG Secretary Jessie Robredo.
Dili usab kombinsido ang maong Bokal sa resulta sa survey sa DSWD, tungod kay sa taud-taud nang panahon nga kini aktibo diha sa pangagamhanan, diin adunay mga panahon nga makalibot kini sa ubang mga probinsya ug dakbayan, klarung mas lisud pa tan-awun ang mga katawhan sa ubang mga probinsya komparar dinhi sa Zamboanga del Norte.
Lakip usab sa gibatikus ni Board Member Mejorada ang nasudnong programa nga Pantawid Pamilyang Pilipino Program (4ps) nga iya sa DSWD tungod kay wala diay kini nakatabang sa mga pobring katawhan sa lalawigan kung basihan ang gipagawas nga survey sa maong departamento.
Lauman nga karong sunod sesyun sa Sangguniang Panlalawigan, motambung ang Regional Director sa DSWD aron ipasabot atubangan sa mga magbabalaod ning lalawigan ang proseso sa ilang pagsurvey human naaprobahan sa mga Board Members nga magpahigayun sila ug executive session aron matuki ang maong seryosong problema.
ARCHER M. CAPADESO