Pormal nang giturn-over sa kagamhanang probinsyal ilawom sa administrasyon ni Gov. Rolando Yebes ang bag-ong gi-renovate nga PTCA Building kon Gabaldon Building ngadto sa Galas Elementary School karong bag-ohay pa lamang diin miani ug dakong kalipay ug pagpasalamat sa mga magtutudlo ug mga ginikanan sa mga kabataan nga nagtungha sa maong tulunghaan.
Sa iyang mensahe, si Mr. Peter Cuenca, ang Presidente sa Parents Teachers Community Association (PTCA) sa Galas Elementary School, nagkanayon nga dako kining tabang ngadto sa tulunghaan sanglit kulang man kini ug mga lawak saringan diin ang mga kabataan kaniadto tunga sa adlaw lamang sila mutungha gumikan kay kulang ang mga classrooms.
Dugang pa niya nga gumikan niini dili na unya maglisod ang mga kabataan sa ilang pagtuon ug tibuok adlaw na sila nga makasulod sa klase.
Mipaabot usab si Galas Brgy. Cpt. Neri Refugio sa iyang dakong pagpasalamat ngadto kang Gov. Yebes nga taliwala sa mga kontrobersiya nga nahinagboan sa iyang barangay ug sa tulunghaan, nahuman ra gayud ang maong proyekto.
Pamahayag pa niya nga ang gi-renovate nga PTCA Building susama na kini sa bag-ong gitukod nga tunghaan diin dugay na nilang gihandom nga mabatonan sa Galas Elementary School.
Mapasalamaton usab si School Principal Jeretho Tama Zamoras ngadto sa gobernador gumikan kay nasulbad ra gayud ang ilang problema nga mao ang kakulangon sa mga lawak saringan taliwala sa kontrobersiya nga pasakaan siya ug kaso pinaagi sa resolusyon nga gipasar sa Sangguniang Panlungsod sa dakbayan sa Dipolog gumikan sa pagtugot niini nga ma-repair sa kagamhanang probinsyal ang PTCA Building kon Gabaldon Building.
Alang kaniya nga ang naangkon nilang proyekto ug ang umaabot nga proyekto nga School Building ni Gov. Yebes maoy timaan usab sa ilang pagpaningkamot diin ang kakugi nga gilugway sa kagamhanang probinsyal bugtian usab nila ug pagpaningkamot ug mas makugihon pa sa pagtudlo ug paghatag sa hingpit nga edukasyon ngadto sa mga kabataan…
MARDY D. LIBRES
Sa iyang mensahe, si Mr. Peter Cuenca, ang Presidente sa Parents Teachers Community Association (PTCA) sa Galas Elementary School, nagkanayon nga dako kining tabang ngadto sa tulunghaan sanglit kulang man kini ug mga lawak saringan diin ang mga kabataan kaniadto tunga sa adlaw lamang sila mutungha gumikan kay kulang ang mga classrooms.
Dugang pa niya nga gumikan niini dili na unya maglisod ang mga kabataan sa ilang pagtuon ug tibuok adlaw na sila nga makasulod sa klase.
Mipaabot usab si Galas Brgy. Cpt. Neri Refugio sa iyang dakong pagpasalamat ngadto kang Gov. Yebes nga taliwala sa mga kontrobersiya nga nahinagboan sa iyang barangay ug sa tulunghaan, nahuman ra gayud ang maong proyekto.
Pamahayag pa niya nga ang gi-renovate nga PTCA Building susama na kini sa bag-ong gitukod nga tunghaan diin dugay na nilang gihandom nga mabatonan sa Galas Elementary School.
Mapasalamaton usab si School Principal Jeretho Tama Zamoras ngadto sa gobernador gumikan kay nasulbad ra gayud ang ilang problema nga mao ang kakulangon sa mga lawak saringan taliwala sa kontrobersiya nga pasakaan siya ug kaso pinaagi sa resolusyon nga gipasar sa Sangguniang Panlungsod sa dakbayan sa Dipolog gumikan sa pagtugot niini nga ma-repair sa kagamhanang probinsyal ang PTCA Building kon Gabaldon Building.
Alang kaniya nga ang naangkon nilang proyekto ug ang umaabot nga proyekto nga School Building ni Gov. Yebes maoy timaan usab sa ilang pagpaningkamot diin ang kakugi nga gilugway sa kagamhanang probinsyal bugtian usab nila ug pagpaningkamot ug mas makugihon pa sa pagtudlo ug paghatag sa hingpit nga edukasyon ngadto sa mga kabataan…
MARDY D. LIBRES