Aron hingpit nga mapahimuslan sa mga kabus nga katawhan ilabi na ang mga lumad nga Subanen dinhi sa probinsya sa mga nagkadaiyang programa sa kagamhanang probinsyal kabahin na usab sa pagtabang nga makabaton ug edukasyon, gatusan ka mga kabatan-onan ang nakapahimulos sa scholarship program nga gimugna ni Gov. Rolando Yebes.
Mao kini ang nasayran gikan kang Bai Cristina Andus, ang kasamtangang hepe sa Provincial Indigenous People’s Coordinating Unit (PIPCU) diin matud pa adunay unom ka mga kurso ang gitanyag niini sama sa Automotive Servicing ug Farm Machinery Operation & Maintenance nga pagahimoon sa Provincial Agri-Industrial Center (PAIC) sa Brgy. Irasan lungsod sa Roxas, Aqua Culture sa Dipolog School of Fisheries, Hito/ Tilapia Culture sa Brgy. Dumalogdog, Sindangan, Dressmaking sa Brgy. Diwan, dakbayan sa Dipolog ug Beauty Care nga gilangkuban sa Haircut, Manicure ug Pedicure sa Brgy. Barra.
Dugang pa niya nga ang maong mga kurso napahimuslan na sa mga lumad diin gibansay sa Technical Education and Skills Development (TESDA).
Pamahayag pa ni Andus nga buot ni Gov. Yebes nga adunay mahibaloan ang mga kabatan-onan ilabi na sa mga agricultural courses diin makatabang ug dako diha sa ilang pagpangempleyo ug sa dugang nilang kapanginabuhian.
Gani, kaniadtong paglusad sa unang hugna sa Livelihood Enhancement Skills Training sa lungsod sa Roxas, gidasig ni Gov. Yebes ang mga scholars nga dili sayangon ang talagsaon nga opurtunidad ug makugihon sa pagpahimulos niini gumikan kay gawas sa libre kini, mutabang usab siya sa pagrekomenda kanila kung aduna’y manginahanglan ug trabahante sa abroad.
Buot usab sa gobernador nga makita sa haruhay nga kahimtang ang mga lumad nga Subanen ilabi na kadtong nanimuyo sa hilit nga dapit diin wala nakaeskwela ang ilang mga anak.
Ingon man, ang maong programa ang giabagan sa TESDA sa pagpakigtambayayong usab sa Department of Trade and Industry (DTI) ug Department of Labor and Employment (DOLE) diin tipik kini sa Subanen Empowerment nga gihingusgan sa gubernador.
MARDY D. LIBRES
Mao kini ang nasayran gikan kang Bai Cristina Andus, ang kasamtangang hepe sa Provincial Indigenous People’s Coordinating Unit (PIPCU) diin matud pa adunay unom ka mga kurso ang gitanyag niini sama sa Automotive Servicing ug Farm Machinery Operation & Maintenance nga pagahimoon sa Provincial Agri-Industrial Center (PAIC) sa Brgy. Irasan lungsod sa Roxas, Aqua Culture sa Dipolog School of Fisheries, Hito/ Tilapia Culture sa Brgy. Dumalogdog, Sindangan, Dressmaking sa Brgy. Diwan, dakbayan sa Dipolog ug Beauty Care nga gilangkuban sa Haircut, Manicure ug Pedicure sa Brgy. Barra.
Dugang pa niya nga ang maong mga kurso napahimuslan na sa mga lumad diin gibansay sa Technical Education and Skills Development (TESDA).
Pamahayag pa ni Andus nga buot ni Gov. Yebes nga adunay mahibaloan ang mga kabatan-onan ilabi na sa mga agricultural courses diin makatabang ug dako diha sa ilang pagpangempleyo ug sa dugang nilang kapanginabuhian.
Gani, kaniadtong paglusad sa unang hugna sa Livelihood Enhancement Skills Training sa lungsod sa Roxas, gidasig ni Gov. Yebes ang mga scholars nga dili sayangon ang talagsaon nga opurtunidad ug makugihon sa pagpahimulos niini gumikan kay gawas sa libre kini, mutabang usab siya sa pagrekomenda kanila kung aduna’y manginahanglan ug trabahante sa abroad.
Buot usab sa gobernador nga makita sa haruhay nga kahimtang ang mga lumad nga Subanen ilabi na kadtong nanimuyo sa hilit nga dapit diin wala nakaeskwela ang ilang mga anak.
Ingon man, ang maong programa ang giabagan sa TESDA sa pagpakigtambayayong usab sa Department of Trade and Industry (DTI) ug Department of Labor and Employment (DOLE) diin tipik kini sa Subanen Empowerment nga gihingusgan sa gubernador.
MARDY D. LIBRES