Walay pagsalig si 2nd district Board Member Atty. Edgar Baguio ngadto sa Mines and Geo-Science Bureau (MGB) lakip na ang Department of Environment and Natural Resources (DENR), ilabina kung maghisgut sa pag-amping sa kinaiyahan.
Sa pakighinabi sa RMN DXDR kang Board Member Baguio, giingun niini nga daghan nang mga gipantugutan kaniadto pa ang maong hingtungdan buhatan sa goberno nga mga dagkung kompanya sama sa logging tungod sa pagtoo nga dili kini makaapekto sa kinaiyahan human nipasalig nga adunay himoon reforestration, apan matud pa ni bokal Baguio nga ulahi nang namatikdan mismo sa DENR nga palpak ang ilang pagtugut kaniadto tungod kay dili na mahibalik pa ang kanindot sa kinaiyahan bisan unsa pang reforestration ang ipahigayun. Sama sa gihapon sa pagtugut kaniadto sa denr sa operasyon sa kaingin, apan karon na lamang nila nasuta nga dili na gyud mapahiuli pa ang kalunhaw sa kabukiran.
Tungod niana, wala nay pagsalig si Board Member Baguio sa pagtugut sa Mines and Geo-Sciences Bureau (MGB) ngadto sa TVI Resources Philippines Inc, ug sa Philex Mining Corporation nga magmina sa mga kabukiran nga sakop sa Zamboanga del Norte; hinungdan nga gihisngusgan ug kasamtangan nang gipatuman ang mining ordinance ning lalawigan.
Samtang welcome usab sa habig ni Board Member Baguio ang si bisan kinsang mopasaka ug kaso batok sa kagamhanan probinsyal.
Kining tanang mga puntong gibuhi-an sa maong magbabalaod, nagsugud human nibahad ang TVI ug ang Philex mining, lakip na ang MGB nga kwestyonon ang maong ordinansa.
ARCHER M. CAPADESO
Sa pakighinabi sa RMN DXDR kang Board Member Baguio, giingun niini nga daghan nang mga gipantugutan kaniadto pa ang maong hingtungdan buhatan sa goberno nga mga dagkung kompanya sama sa logging tungod sa pagtoo nga dili kini makaapekto sa kinaiyahan human nipasalig nga adunay himoon reforestration, apan matud pa ni bokal Baguio nga ulahi nang namatikdan mismo sa DENR nga palpak ang ilang pagtugut kaniadto tungod kay dili na mahibalik pa ang kanindot sa kinaiyahan bisan unsa pang reforestration ang ipahigayun. Sama sa gihapon sa pagtugut kaniadto sa denr sa operasyon sa kaingin, apan karon na lamang nila nasuta nga dili na gyud mapahiuli pa ang kalunhaw sa kabukiran.
Tungod niana, wala nay pagsalig si Board Member Baguio sa pagtugut sa Mines and Geo-Sciences Bureau (MGB) ngadto sa TVI Resources Philippines Inc, ug sa Philex Mining Corporation nga magmina sa mga kabukiran nga sakop sa Zamboanga del Norte; hinungdan nga gihisngusgan ug kasamtangan nang gipatuman ang mining ordinance ning lalawigan.
Samtang welcome usab sa habig ni Board Member Baguio ang si bisan kinsang mopasaka ug kaso batok sa kagamhanan probinsyal.
Kining tanang mga puntong gibuhi-an sa maong magbabalaod, nagsugud human nibahad ang TVI ug ang Philex mining, lakip na ang MGB nga kwestyonon ang maong ordinansa.
ARCHER M. CAPADESO