Sa report ni Provincial Disaster Risk Reduction And Management Council (PDRRMC) Chairman Denis Tenorio, ang tulo ka mga biktima giila nga sila si Hermogina Damuag, 60 anyos, Rodrigo Siangco, 30 anyos ug Rogelio Ramirez Jr., 8 anyos nga parehong residente sa lungsod sa Polanco.
Sa maong higayon, miabot sa 400 ka tawo ang namakwit sa lungsod sa Polanco ug 300 ka tawo usab ang namakwit sa brgy. Turno, Minaog ug Dicayas sa Dipolog.
Sa brgy. Oyan, Dapitan City, giguba usab sa dakong baha ang Macasuy bridge diin temporary una kining gisira sa Department Of Public Works And Highways (DPWH) tungod kay nag-collapsed ang wingwall sa approach niini ug naguba ang asphalt road.
Subay niini, ang sakyanan nga paingon sa Barcelona, Oroqieta ug Ozamis ang magsubay na sa bag-ong rota nga mao ang Dipolog-Pinan-Barcelona-Oroqieta road o Dipolog-Isis(Polanco)-Ilaya-Oroqieta road.
MARDY D. LIBRES