Sa maong kalambuan, mokapin na sa 90 mil ka pamilya ang makapahimulos sa maong programa dinhi sa probinsya.
Gikalipay usab ni Mr. Cruz nga menus na usab ang mga reklamo ang nahidangat sa iyang buhatan kalabot na sa maong programa ilabi ang pagpanghulga sa pipila ka lideres sa mga politiko nga kung dili mosuporta sa ilang kandidato, tangtangon kini sa listahan sa mga benepisaryo.
Gipkalaro ni Mr. Cruz nga ang maong programa dili iya sa usa ka politiko, kondili usa kini ka nasudnong programa alang sa mga kabus.
Dugang pa usab ni Mr. Cruz nga sa kinatibuk-an ang maong programa wala nakapakadatu sa mga benepisaryo sanglit ang programa temporaryong ayuda lamang sa mga kabus nga pamilya ug ang hingpit nga makapauswag sa ilang sitwasyon mao ang trabaho ug livelihood programs maoy hinungdan nga aduna nay mga programa alang sa kapanginabuhian ang misulod alang sa mga Pantawid Pamilya beneficiaries.
Niini, giawhag lamang ni Mr. Cruz ang mga benepisaryo nga mosanong sa mga kondisyones sa maong programa aron makapadayon nga makapahimulos niini.
MARDY D. LIBRES