Kini ang gipahayag sa bise-mayor sa Dipolog Atty. Senen Angeles.
Matud pa sa bise-mayor, sa milabayng pila ka tuig problema sa mga irrigators association ang irigasyon tungod kay kon dunay himoong development sa irrigation system sa Dipolog-Polanco Irrigators Association kini ipaagi sa loan sa irrigators nga bayran nila kada ani.
Tungod niini, ang gihimo sa kagamhanang lokal sa Dipolog, tungod sa counterpart nga nakuha ni Cong. Labadlabad gikan sa National Irrigation Administration kon NIA nga gihatag sa syudad gitugbangan usab kini sa syudad ug 30% ug niini wala nay utang ang mga mag-uuma.
Matud pa ni Angeles, nga kini maoy usa sa mga programa sa agrikultura nga makatabang sa mga mag-uuma sa syudad.
MARDY D. LIBRES