Kini ang gikompirmar exclusive sa RMN DXDR ni DSWD Provincial 4ps Link Jose Cruz,
human sa proseso nga gihimu sa rehiyonal nga buhatan pinasikad sa mga reklamong nadawat sa gimugna nga grievance committee. Kining tanan, sumala pa ni Cruz, napailalum sa reassessment ug napasa na usab nila sa central office diin maoy adunay gahum sa pagpawala gyud sa listahan sa naasyong mga pangalan. Samtang niadtong bulan sa Nobyembre sa nakalabyang tuig 2011 nahimu na usab ang laing round sa reevaluation sa mga bag-ong nasulod sa listahan diin kasagaran kanila mao kadtong pamilya nga nasuta nga anaay perminanting trabaho sa pribado ug sa pampublikong trabaho, apan sa gihapon ipaagi kini sa due process ilalum sa reevaluation ug dili kay direkta gilayun silang matantang sa listahan.
Samtang gipaklaru ni Mr. Cruz nga walay kalambigitan ang si bisan kinsang pulitiko sa probinsya, ug sa lungsod sa pagtangtang sa lsitahan sa mga benipisyaryo tungod kay bugtong ang DSWD lamang ang makahimu niini. Hinoon niya pa nga si bisan kinsa, mamahimu nga modangop sa ilang buhatan aron ireklamo ang usa ka benipisyaryo nga dili kini kwalipikado sa maong programa.
Ang 204 ka mga benipiyaryo sa 4ps nga naapil sa inclusion error, wala na nagkadawat sa ilang binulan nga kwarta gikan sa dswd, tungod kay suspendido naman kini bisan ug gipaabot pa ang opisyal nga pagtangtang sa ilang mga pangalan nga ipagawas sa central office sa DSWD.
ARCHER M. CAPADESO