Kini tungod kay lig-on ang mga gibasihan nilang mga legal nga argumento nga matud pa walay gahum ang local government unit nga magdili sa operasyon sa mina nga nakahupot ug permit gikan sa Mines and Geo-Science Bureau (MGB) sa Department of Environement and Natural Resources.
Samtang karong petsa 15 hangtud sa 16 ning bulan sa Disyembre, sa pagpadayun sa court proceeding, hayan nga mobalus si Atty. Pinoy sa cross-examination sa e-presentar unya nga witness sa habig sa Zamboanga del Norte.
Dugang pa sa abogado sa TVI nga gipangandaman gihapon nila ang prosibleng pag-apilar sa kaso ngadto sa Court of Appeals kung unsa man ugaling ang dangatan sa ilang petisyon sa Regional Trial Court dinhi sa Zamboanga del Norte.
Apan nakabatun ug dugang pwersa ang habig sa TVI human nahuptan ang impormasyon nga gibasura kon gideklarang invalid ang ordinansa sa lungsod sa Bayog, Zamboanga del Sur, nga gihulgway’ng kopya sa ordinansa sa Zamboanga del Norte, sa gihimung pag-review sa Sangguniang Panlalawigan sa Zamboanga del Sur.
ARCHER M. CAPADESO