Padayong gilugway sa kagamhanang probinsyal ang mga nagkadaiyang serbisyo ngadto sa mga katawhan ning lalawigan ilabi na diha sa mga hilit nga dapit subay sa programang Tabang ni Lando sa Comunidad (TLC) nga gimugna kaniadto pang paglingkod ni Gov. Rolando Yebes isip amahan ning probinsya.
Atul sa kasaulogan sa adlaw’ng natawhan sa gobernador kaniadtong adlaw’ng Martes nga gipahigayon sa kinalayoan nga barangay sa lungsod sa Sindangan nga mao ang Brgy. Mawal, napahimuslan sa mga katawhan ang mga serbisyong medikal ug uban pa.
Ang Provincial Health Office mipasiugda sa libreng konsultasyon, tuli, pagpang-ibot sa mga daot nga ngipon ug mga tambal diin gatusan ka mga katawhan ang nakapahimulos niini.
Ang Provincial Social Welfare and Development Office (PSWDO) miapod-apod sa mga bugas ngadto sa liboan ka mga pamilya lakip na ang pagpahigayon ug mass feeding ngadto sa mga kabataan ug ang pagpanghatag sa mga school supplies.
Ang buhatan sa Provincial Nutrition mipahigayon usab ug supplemental milk feeding, pagpanghatag sa mga sabon ug tsinelas ngadto sa mga kabataan.
Ang Provincial Agriculture miapod-apod usab sa kapin 4,000 ka mga binhi sa mais, abono ug vegetable seeds lakip na ang mga kahayupan sama sa baktin ug kanding nga gitugyan sa mga kabarangayan sa lungsod sa Sindangan.
Mipahigayon usab ug tree planting ang Zamboanga del Norte Environment and Management Office (ZANEMO) ug Youth Enhancement Support (YES) diin usa ka gatos ka punoan sa goma, marang, nangka ug usa ka libo ka punoan sa mahogany ang natanom sa maong barangay.
Napahimuslan usab ang Kasalan ng Bayan nga gipasiugdahan sa Provincial Indigenous People’s Coordinating Unit (PIPCU) diin kapin sa 30 ka managtiayon ang nakasal.
Lakip sa miayuda sa maong kasaulogan mao ang Technology and Livelihood Development Center (TLDC) diin mipahiagyon ug film showing, pagpang apod-apod sa mga techno guides ug business counseling alang sa ilang dugang kapanginabuhian.
Samtang gitugyan usab ni Gov. Yebes ang proyekto niining kadalanan sa Brgy. Mawal diha sa Sitio Capuli ug water system pinaagi sa Provincial Engineering.
MARDY D. LIBRES
Atul sa kasaulogan sa adlaw’ng natawhan sa gobernador kaniadtong adlaw’ng Martes nga gipahigayon sa kinalayoan nga barangay sa lungsod sa Sindangan nga mao ang Brgy. Mawal, napahimuslan sa mga katawhan ang mga serbisyong medikal ug uban pa.
Ang Provincial Health Office mipasiugda sa libreng konsultasyon, tuli, pagpang-ibot sa mga daot nga ngipon ug mga tambal diin gatusan ka mga katawhan ang nakapahimulos niini.
Ang Provincial Social Welfare and Development Office (PSWDO) miapod-apod sa mga bugas ngadto sa liboan ka mga pamilya lakip na ang pagpahigayon ug mass feeding ngadto sa mga kabataan ug ang pagpanghatag sa mga school supplies.
Ang buhatan sa Provincial Nutrition mipahigayon usab ug supplemental milk feeding, pagpanghatag sa mga sabon ug tsinelas ngadto sa mga kabataan.
Ang Provincial Agriculture miapod-apod usab sa kapin 4,000 ka mga binhi sa mais, abono ug vegetable seeds lakip na ang mga kahayupan sama sa baktin ug kanding nga gitugyan sa mga kabarangayan sa lungsod sa Sindangan.
Mipahigayon usab ug tree planting ang Zamboanga del Norte Environment and Management Office (ZANEMO) ug Youth Enhancement Support (YES) diin usa ka gatos ka punoan sa goma, marang, nangka ug usa ka libo ka punoan sa mahogany ang natanom sa maong barangay.
Napahimuslan usab ang Kasalan ng Bayan nga gipasiugdahan sa Provincial Indigenous People’s Coordinating Unit (PIPCU) diin kapin sa 30 ka managtiayon ang nakasal.
Lakip sa miayuda sa maong kasaulogan mao ang Technology and Livelihood Development Center (TLDC) diin mipahiagyon ug film showing, pagpang apod-apod sa mga techno guides ug business counseling alang sa ilang dugang kapanginabuhian.
Samtang gitugyan usab ni Gov. Yebes ang proyekto niining kadalanan sa Brgy. Mawal diha sa Sitio Capuli ug water system pinaagi sa Provincial Engineering.
MARDY D. LIBRES