Kining maong kalihokan dinha gipahigayon sa 4th floor, City Hall Annex Building pinaagi na sa mga tinugyanan gikan sa probinsiyal nga buhatan sa Departamento sa Pamuo (DOLE) pinangunahan ni DOLE Provincial Director, Mrs. Lourdes Amores.
Sigun sa dugang nasayran gikan sa CIO, nga ang 62 ka mga tseke ang nagkantidad ug tag P2,033 ka pesos ang matag usa, nga mitumbas sa 40% nga obligasyon gikan sa DOLE, gumikan kay ang 60% usab niini ang gi-abaga man sa kagamhanang lokal sa Dipolog.
Kahibalo-an nga ang SPES o “Special Program for the Employment of Students”, maoy usa ka pribilihiyo nga gilugway sa kagamhanan pinaagi sa pagtambayayong sa DOLE ug sa hingtungdang kagamhanang lokal.
Sulod sa milabay nang mga katuigan, daghanan nang mga kabataan ang nakapahimulos niini, diin ang ilang nadawat nga mga suholan, ang ilang nagamit dinha sa ilang pagtungha sa umaabot nga pagbukas sa klase.
Lakip usab sa mitambong atol sa nasangpit nga pagpang-apod-apod sa mga tseke mao ang inahan ning syudad, PESO Manager/ City Administrator, Engr. Michael O. Reyes ug City Civil Registrar, Rosemarie Miranda.
Mardy D. Libres