Pinaagi sa hiniusang pwersa sa Dipolog PNP, nila ni PO2 Aninon, PO1 Lubaton, Phil. Drug Enforcement Agency (PDEA) pinaagi ni Intelligent Officer 1 Avenido, mga sakop sa 9th Regional Public Safety Battalion, pinaagi ni PO1 alviar, mga sakop sa Team David ubos ni Engr. Sabando uban ang SCAA, ubos sa direktang superbisyon ni Police Senior Superintendent Reynalo Maclang, ang hepe sa Dipolog PNP, malampuson ang napahigayung drug buy-bust operation sa may kapin kon kulang ala 1 sa kaadlawon sa niaging adlaw didto sa Brgy. Bara, syudad sa Dipolog batok sa maong suspetsado. Dala usab sa mga tinugyanan sa balaod ang search warrant nga gi-isyu ni RTC Judge Hon. Chandler Ruiz, ug nakuha gikan sa suspetsado ang 10 ka sachet sa gituuhang shabu, 2 ka tag 500 pesos nga marked money, kita sa suspetsado nga nikabat ug 1, 224 ka pesos, duha ka transparent plastic sachet nga anaay sulod nga shabu nga gi-turn over sa nagpakaaron-ingnung buyer, 1 ka 9mm nga pistol 1 ka m16 nga isyu kaniya sa PNP.
Ang mga nakompiskar nga mga items, ang gideposito na sa Dipolog PNP alang sa court exhibit, samtang ang nadakpang si PO1 lapinig kasamtangang gibalhug sa selda sa Dipolog PNP.
ARCHER M. CAPADESO