Kini human nga gipasar sa sangguniang panglungsod sa dipolog atol sa ilang sesyun kabag-uhay pa lamang nga nagpadayag sa hugot nga suporta sa lakang karon sa mga magbabalaod tungod kay mismo silang mga konsehal nakakita man nga angay padak-an ang benipisyo sa mga barangay tanod. Dugang pa nga dili malimud nga risgo usab ang trabaho isip barangay tanod, tungod kay matag gabie nga tanan mag-robing man sila kanunay libot sa tibook barangay aron mamintinar ang kahapsay ug kalinaw diha sa ilang barangay.
Sa habig ni konsehal atty. Ruben legorio, gusto niini nga isugyut ngadto sa mga magbabalaod nga unta kuhaan ang mga benipisyo nga makuha sa mga last term na nga konsehal sa barangay, aron nga ang pundo nga alang unta niini, ang didto gilayun mahatag sa mga nagserbisyong barangay tanod.
Niini, nanghinaot ang mga konsehal sa dakbayan sa dipolog nga paminawun sa mga magbabalaod diha sa kongreso ang maayung sugyut nila aron nga makontento ang mga barangay tanod sa mga benipisyo nga ilang makuha.
ARCHER M. CAPADESO