Gipahayag ni Provincial Social Welfare and Development Officer Grace Marylen Sabal, mokabat sa 300 ka mga partisipante nga nahisakop sa Kalipunan ng Liping Pilipino (KALIPI) ang gilaumang motambong sa maong kalihukan.
Gawas sa presentasyon sa mga issues ug concerns nga nakaapekto sa women sector, usa ka lecture kabahin sa climate change ang himoon nga pangunahan sa Zamboanga del Norte Environment Management Office (ZANEMO) nga mohaum sa tema karong tuiga nga Women Weathering Climate Change: Governance and Accountability, Everyone’s Responsibility.
Kon kahinumduman, ang KALIPI gi-organisa sa matag munisipalidad ning probinsya aron magsilbing dalan sa mga kababayen-an sa pagpagawas sa ilang concerns nga nakaapekto sa ilang panginabuhi ug makapagawas sa ilang reklamo kabahin sa mga butang nga nakababag sa ilang mga kahibalo.
MARDY D. LIBRES