Matud pa ni Mrs. Aida Magracia, ang hepe sa Divisions Operation sa 4p’s sa DSWD, atol sa gipahigayung planning workshop sa mga volunteer groups nga ilang susihon ang mga nakapahimulos sa naasyong programa sa DSWD kung wala ba kini nag-usik sa mga kwartang ilang madawat gikan sa goberno, ilabina nga daghanang mga nanggawas karon nga impormasyon nga sumala pa ang mga benepisyaryo sa 4p’s diha sa pipila ka mga barangay ang magpunay na lamang ug yampungad sa mga sugalan ug sa imnanan, nga klarung nahisupak sa gikalagda sa ilang buhatan nga angay pahatan sa mga kwartang madawat sa maong programa. Kini nga sitwasyon ang nakapa-alarma sa maong opisyal sa DSWD, tungod kay usik kaayu niya pa ang pundo sa goberno, nga unta gituyu man kini alang unta sa pagtabang sa mga nagkinahangalan.
Dugang pa nga tinood man nga dili yanung mapawagtang ang mga pangalan sa mga benepisyaryo diha sa listahan sa 4p’s, apan gipaklaru ni Mrs. Magracia, nga kanang gibuhat sa mga membro sa 4p’s, ang mamahimung hinungdan nga pagatangtangun sila sa listahan, ug didto kana ihatag sa lain nga nagkinahanglan usab tabangan.
ARCHER M. CAPADESO