Gipahayag ni Mr. Prudencio Icalina, presidente sa Dipolog City Federation Transport Association kon DCFETA nga nagmeeting na ang ilang grupo kabahin sa ilang pangyu-on nga dugang usbaw sa plitihan dinhi sa syudad.
Ang pagpangayo sa dugang usbaw sa plitihan nagsumikad sa walay hunong nga pagsaka sa presyo sa gasolina, operasyon sa mga habal-habal ug ang kolorum nga mga motorsiklo nga padayong namasahero libot sa dakbayan.
Kining tulo ka mga rason maoy gibasehan sa grupo diha na sa ilang gipangayong usbaw sa pamasahe diin dugang piso ang ilang pangayuon nga usbaw gikan sa minimum nga siete pesos.
MARDY D. LIBRES