Kini ang gipahayag ni Mr. Julius Salaveria sa buhatan sa DTI, diin ang mga motorcycle owners pwedeng makaadto sa pinakaduol nga buhatan sa DTI ug isubmiter ang ilang mga helmets alang sa inspection ug validation ug pagbutang ug ICC stickers sa helmet.
Ang himoon sa mga motorcycle owner o rider mao ang pagkuha ug application form gikan sa DTI dungan ang pagpasabot nga kini libre lang ihatag ug dili baligya.
Subling gipaklaro ni Mr. Salaveria, nga giwala na karon ang bayranan o processing fee diha sa himoong inspection ug validation ug usab ang pagbutang ug ICC stickers diin kini kutob lamang karong Disyembre 31, 2012.
Gipahayag usab sa maong opisyal nga ang paglugway sa inspeksyon sa mga helmet gituyo aron mahatagan ug higayon ang mga tag-iya ug motorsiklo.
MARDY D. LIBRES