Ang naasyong actual nga inspeksyon sa mga tinugyanan sa City Sanitation, ubos ni Mr. Ariel Saldariega, ang Sanitary Inspector sa syudad, maoy ilang pagpangandam sa umalabot nga dakung kalihukan. Sa interview sa Radio Mo Nationwide Dipolog ngadto kang Sanitary Inspector Saldariega, nga matud pa tumong niining maong actual nga inspeksyon nila ngadto sa mga Hotels ug Pension Houses tungod kay anaay pipila niini ang dili limpyo pagapunduhan, ug nga niana maka-ulaw ngadto sa mga bisita unya nga mopuyu ug pipila ka mga adlaw diha sa mga Pension Houses ug Hotels sa ilang pagsaksi sa naasyong palarong pambansa. Gi-angkon usab ni Mr. Saldariega nga bisan sa kadugay na niining uban nga mga Pension Houses nga nagserbisyo dinhi sa dakbayan sa Dipolog, apan sa gihapon dili tanang nila ang anaay insaktong pasilidad, nga daling kinahanglanon sa mga dumodoung sa ilang pagpuyu niini.
Dugang pa niya nga mintras anaay pay oras nga magpreparar niini, gumikan kay karon pamang bulan sa Mayo ang Palarong Pambansa, kinahanglan nga doblehon nila ang ilang pagkugi alang sa naasyong actual nga inspeksyon sa mga lugar nga nahisgutan sa unahan, dungan sa pag-awhag sa mga tag-iya niini, nga kung masuta na unya ang ilang kakulangon, ang sa hinanali ila gilayun kining mabatnan aron nga nindot na ang mga Pension Houses ug mga hotels dinhi sa syudad.
ARCHER M. CAPADESO