Ang presidenti sa naasyong foundation namahayag nga ilang nakita ang ka-sinsero sa kagamhanan sa syudad sa Dipolog nga mapalambo pa ang natad sa edukasyon dinhi, maoy hinungdan nga napilian sa ilang foundation ang Dipolog nga maoy pahatan ug tabang sa pagpatukod sa classroom building. Niya pa nga sa tibook rehiyon 9, bugtong ang dakbayan sa Dipolog pa lamang ang pinaka-una nga nagahinan nila ug tabang, subay sa gipangandoy karon sa maong foundation nga maaporan nila ug mga classroom building ang tanang mga lugar dinhi sa nasud nga Pilipinas.
Lakip pa sa ilang gihatag sa Sta. Felomina Elementary School mao ang mga libro nga sarang magamit sa mga estudyante, gikan sa National Bookstore isip ilang katambayung sa pagtabang ngadto sa mga tulunghaan. Apil usab sa gipasalamatan sa maong foundation mao ang San Miguel Corporation nga mihatag sa gihapon ug salapi alang sa pagpadayun sa ilang kampanya sa pagpatukod ug mga tulunghaan.
Subay niini, dili masukod ang kalipay sa mga magtutudlo, mga ginikanan, mga estudyante, ilabina sang kagamhanang local sa Dipolog pinaagi ni Mayor Evelyn Uy tungod kay dakung ikatabang sa maong proyektong classroom building sa pagtungha sa mga estudyante.
ARCHER M. CAPADESO